រឿង បុរសសាវា

ត្រូវស្មោះមួយនឹងមួយ

មានបុរសម្នាក់អាយុ៣០ឆ្នាំបានស្រឡាញ់នារីម្នាក់ ហើយនេះគឺជាស្នេហាលើកទី១របស់គាត់ ។ គាត់មិនដែលជួបនារីណាស្អាតដូចនារីម្នាក់នេះទេ ស្អាតក៏ស្អាត សំដីក៏ពិរោះ ចរិតប្ញកពារក៏ស្លូតបូត សុភាពរាបសា ។ គាត់មានបំណងចង់រៀបការជាមួយនារីនោះ រួចក៏បានទាក់ទងស្រឡាញ់គ្នាជាមួយនាង ។ មួយរយៈក្រោយមក នាងបាននាំគាត់ទៅលេងផ្ទះ ដើម្បីស្គាល់សាច់ញាតិសងខាង ។ ទៅដល់ផ្ទះនារីនោះភ្លាម ស្រាប់តែប្អូនស្រីទី២របស់នាងចេញមកជម្រាបសួរ ។ នារីជាប្អូននេះកាន់តែស្អាត គឺស្អាតជាងបងស្រីនោះទៅទៀត សក់ខ្មៅរលោង ចិញ្ចើមខ្វង់ រាងខ្ពស់ ល្មមសមនឹងដងខ្លួន សាច់សខ្ចី ។ បុរសនោះក៏ចាប់ចិត្តប្រតិព័ទ្ធលើនារីជាប្អូនវិញម្តង ។ ពេលនេះទិសដៅអង់តែនត្រូវបង្វែរមករកប៉ុស្តិ៍ថ្មី គាត់ចាប់ផ្តើមស្រលាញ់នារីប្អូន ហើយតែងតែទៅលេងផ្ទះនារីទាំងពីរនេះជាញឹកញាប់ ។ បីខែក្រោយមកប្អូនស្រីទី៣ដែលរស់នៅបរទេសបានមកលេងនឹងបងស្រី ។ ប្អូនស្រីកាន់តែស្អាត គឺស្អាតជាងបងស្រីទី១ និងបងស្រីទី២ទៅទៀត ស្អាតទាំងរូប ស្អាតទាំងរាង ស្អាតទាំងមុខ ស្អាតទាំងមាត់ សាច់សខ្ចីទ្រលុកទ្រលន់ ដំណើរសមសួន .... បុរសនោះលាន់មាត់ថា ៖ ស្អាតទៀត ស្អាតទាំងពូជ ។ គាត់ចាប់ផ្តើមមានចិត្តស្រលាញ់ប្អូនស្រីទី៣ទៀត ។ គាត់បានព្យាយាមនៅជិត ដើម្បីបង្កើតទំនាក់ទំនងស្នេហា ។ ថ្ងៃមួយប្អុនស្រីទី៣ យករូបថតប្អូនស្រីពៅគឺប្អូនទី៤ ដែលទើបតែមានអាយុ១៦ឆ្នាំ មកឱ្យមើល ។ ព្រះអើយប្អូនស្រីពៅនេះស្អាតដាច់គេរាងខ្ពស់ស្រឡះ មុខពងក្រពើ ត្រកៀកធំ ចង្កេះតូច ស្អាតជាងបងស្រីទី១ បងស្រីទី២ បងស្រីទី៣ ស្អាតជាងទីណាៗទាំងអស់ គាត់ក៏ស្រលាញ់ប្អូនទី៤ទៀត ។ ថ្ងៃមួយនារីទាំង៣នាក់បានដឹងរឿង ទីបំផុតអត់ទាំងអស់ ។

ពេទ្យខ្មែរ