កុមារកើតដោយការវះកាត់ងាយកើតជំងឺអាលែកហ្ស៊ី

កុមារដែលកើតដោយការវះកាត់ងាយរីកចម្រើនជំងឺអាលែកហ្ស៊ីជាមួយនឹងប្រភពបង្កអាលែកហ្ស៊ីក្នុងផ្ទះដូចជាធូលី រោមឆ្កែ និងឆ្មា ។ ពិសេសលទ្ធភាពកើតជំងឺអាលែកហ្ស៊ីនៅកុមារកើតដោយការវះកាត់ខ្ពស់ជាង៥ដងប្រៀបនឹងកុមារកើតតាមធម្មជាតិ ។
នោះជាលទ្ធផលស្រាវជ្រាវរបស់ក្រុមអ្នកវិទ្យាសាស្ត្រមកពីមន្ទីរពេទ្យ Henry Ford នៅ Detroit (អាមេរិក) ។
ពេលកើតធម្មតា កុមារត្រូវបានប្រាស្រ័យជាមួយពពួកបាក់តេរីពីសរីរាង្គមាតា ក្នុងផ្លូវកើត ធ្វើឲ្យកើនសមត្ថភាពអង្គបដិបក្ខនៅកុមារ ។ ប្រការនេះមិនកើតឡើងពេលកុមារកើតដោយការវះកាត់ ។ អាស្រ័យហេតុនេះ ពួកអ្នកវិទ្យាសាស្ត្រ ចាត់ទុកថា ប្រព័ន្ធអង្គបដិបក្ខរបស់កុមារកើតដោយការវះកាត់ខ្សោយជាងប្រៀបនឹងកុមារកើតធម្មតា ។
ពួកអ្នកវិទ្យាសាស្ត្រ បានស្រាវជ្រាវទារកទើបកើត ១.២៥៨នាក់ និងស្វែងយល់អំពីវា ពេលមានអាយុបាន១ខែ ៦ខែ ១ឆ្នាំ និង២ឆ្នាំ ។
ក្រុមស្រាវជ្រាវវិភាគគំរូទងផ្ចិត លាមករបស់កុមារម្នាក់ក៏ដូចវិភាគគំរូឈាមរបស់ឪពុកម្តាយ ទឹកដោះម្តាយ និងធូលីក្នុងផ្ទះ ។
ពួកគេក៏ប្រមែប្រមូលព័ត៌មានប្រវត្តិគ្រួសារអំពីជំងឺអាលែកហ្ស៊ី ឬហឺត សត្វចិញ្ចឹមក្នុងផ្ទះ លទ្ធភាពមានប្រាស្រ័យជាមួយផ្សែងបារី ជំងឺតម្កាត់ ថ្នាំព្យាបាលជំងឺ និងទាំងអំពីពេលវេលាមានគភ៌របស់មាតា ។
ពួកគេសង្កេតឃើញថា ពេលអាយុ២ឆ្នាំ កុមារកើតដោយការវះកាត់ងាយរីកចម្រើនជំងឺអាលែហ្ស៊ីជាមួយនឹងប្រភពបង្កអាលែកហ្ស៊ី ក្នុងផ្ទះដូចជាធូលី រោមឆ្កែ និងឆ្មា ។ ពិសេស លទ្ធភាពកើតជំងឺអាលែកហ្ស៊ីនៅកុមារកើតដោយការវះកាត់ខ្ពស់ជាង៥ដង ប្រៀបនឹងកុមារកើតធម្មតា ។
ការប្រាស្រ័យជាមួយបាក់តេរីក្នុងផ្លូវសម្រាលរបស់មាតាមានឥទ្ធិពលសំខាន់ទៅដល់ប្រព័ន្ធអង្គបដិបក្ខរបស់កុមារ បណ្ឌិត Christine Cole Jonhson អ្នកដឹកនាំការស្រាវជ្រាវមានប្រសាសន៍ ៕

ប្រភព CEN

ពេទ្យខ្មែរ