ហេតុអ្វីបានជានៅពេលភ័យ សក់និងរោមយើងបះ

មាន មនុស្សជាច្រើនបានឆ្ងល់ថាហេតុអ្វីបានជានៅពេលភ័យម្តងៗសក់ និងរោមរបស់យើងបះទ្បើងលើត្រង់ជាពិសេសនៅពេលដែល

ពួកគេឃើញខ្មោច ឬក៏របស់អ្វីមួយដែលស្រដៀងទៅនឹងខ្មោច?មកពីខ្មោចជាអ្នកធ្វើឲ្យរោមយើងបះសក់មែនទេ ឬក៏មកពីកត្តាផ្សេងទៀត?

ដើម្បី ដឹងឲ្យបានច្បាស់យើងនាំគ្នាទៅសិក្សាករណីមួយនេះជាមួយនឹងសត្វ ឆ្មាវិញដែលជាសត្វងាយនឹងទទួលរងការភ័យខ្លាចបំផុត។

អ្នក ប្រហែលជាធ្លាប់ឃើញសត្វឆ្មាជួបជាមួយនឹងសត្វឆ្កែជាមិនខាន។ អ្នកនឹងសង្កេតឃើញភ្លាម នៅពេលនោះរោមសត្វឆ្មារីកធំ បះកញ្ជ្រោងទ្បើងទៅលើ ចំណែកឯកន្ទុយរបស់វាវាត់ទ្បើងទៅលើយ៉ាងខ្ពស់ ធ្វើឲ្យខ្លួនរបស់វាមើលទៅចង់ធំជាងសត្វឆ្កែទៅទៀត។

នៅ ក្នុងករណីនេះអ្នកស្រាវជ្រាវបានពន្យល់ថា សត្វឆ្មាមានអារម្មណ៍ភ័យខ្លាចនៅពេលដែលវាជួបនឹងសត្វឆ្កែដែល ជាសត្វមានកំលាំងខ្លាំង ជាងវា និងមានមាឌធំជាងសត្វឆ្មាផង។ សត្វឆ្មាធ្វើឲ្យរោមវាបះ គឺដើម្បីធ្វើឲ្យខ្លួនរបស់វាមានមាឌធំ ដើម្បីប្រាប់ទៅសត្វឆ្កែវិញថា មាឌរបស់អញមិនតូចប៉ុន្មាននោះទេ កុំចង់សាក។ នៅពេលដែលសត្វឆ្កែ ឬសត្វដទៃទៀតឃើញសត្វឆ្មាធ្វើបែបនេះ វាហាក់ដូចជាមានអារម្មណ៍ខ្លាចសត្វឆ្មាបន្តិចវិញដែរ។ នេះហើយជាហេតុផលដែលរោមបះនៅពេលដែលភ័យ។

មនុស្ស វិញក៏មិនខុសពីសត្វឆ្មាប៉ុន្មានដែរ ធម្មជាតិបានធ្វើឲ្យយើងមានរបស់ការពារខ្លួនឬក៏របស់សម្រាប់ធ្វើ ឲ្យសត្រូវរបស់យើងខ្លាចយើង។

តើលោកអ្នកមានយោបល់យ៉ាងណាដែរចំពោះការបកស្រាយនេះ? ប្រសិនបើយល់ខុសពីនេះសូមចែករំលែកដើម្បីដឹងទាំងអស់គ្នា។

ដកស្រង់ពី arnkhmer

ពេទ្យខ្មែរ