ប្រយ័ត្ន​​​វត្ថុ​​​នាំ​​​មេរោគ បំផ្លាញ​​​ស្បែក

            

          យោង​​តាម​​ការ​​ស្រាវ​ជ្រាវ បាន​ឱ្យ​ដឹង​ថា វត្ថុ​ប្រើ​ប្រាស់​មួយ​ចំនួន ដែល​តែង​តែ​ប៉ះ​ពាល់​នៅ​លើ​ស្បែក​មុខ​របស់​អ្នក អាច​នាំ​មេរោគ​បាក់តេរី មក​បំផ្លាញ​ស្បែក​មុខ​របស់​អ្នក​បាន ពិសេស ៣វត្ថុ ​ខាង​ក្រោម​...។

១.វ៉ែនតា៖

មេរោគបាក់តេរី អាចរីករាលដាល​នៅលើវ៉ែនតាការពារកម្តៅថ្ងៃ ឬ​វ៉ែនតា​ធម្មតា របស់អ្នក។ ដូច្នេះ គួរមានការ ប្រយ័ត្នក្នុងការទុកដាក់វ៉ែនតា មិនគួរ​ដាក់​​នៅលើតុក្នុង​ភោជនីយដ្ឋាន ឬ​បរិវេណ​ដែលគ្មានអនាម័យ ហើយគួរ​សម្អាតវ៉ែនតា ដោយទឹក និងសាប៊ូ រៀង​រាល់២-៣ថ្ងៃម្តង។

២.ទូរស័ព្ទដៃ ៖

ទូរស័ព្ទដៃ គឺជាកន្លែងផ្តុំមេរោគបាក់តេរី ជាង របស់អ្វីៗ ដូច្នេះ គួរជូតសម្អាត ជារៀងរាល់ថ្ងៃ។

៣.ជក់តែងមុខ ៖

ជាប្រភពដុះដាលនៃមេរោគបាក់តេរី ដូច្នេះ គួរឧស្សាហ៍សម្អាត ដោយទឹក និងសាប៊ូ ជារៀងរាល់សប្តាហ៍ ឬ ជ្រលក់ក្នុងអាល់កុល ដើម្បីសម្លាប់មេរោគ៕