យំមានប្រយោជន៍ឬគ្រោះថ្នាក់សម្រាប់សុខភាព?

មនុស្សជាច្រើនគិតថា យំជាវិធីរំសាយដ៏ល្អមួយសម្រាប់ស្មារតី និងអាចជួយយកមកវិញនូវតុល្យភាពក្នុងអារម្មណ៍សម្រាប់មនុស្ស។
ប៉ុន្តែជាក់ស្តែងពិតដូច្នេះមែនឬទេ? តាមការស្រាវជ្រាវថ្មីៗនេះរបស់ពួកអ្នក វិទ្យាសាស្ត្រនៅវិទ្យាស្ថានចិត្តសាស្ត្រ នៃមហាវិទ្យាល័យផ្លរីដាខាងត្បូង សហរដ្ឋ អាមេរិក បានអះអាងថា យំពុំមានប្រយោជន៍សម្រាប់សុខភាពដូចការគិតឃើញរបស់មនុស្សមួយចំនួនឡើយ។ ផ្ទុយមកវិញ វាមានតែឥទ្ធិពលកែប្រែឱ្យប្រសើរសភាពចិត្តគំនិតចំពោះមនុស្សមួយចំនួន តែបែរជាបង្កការបាត់បង់ភាពនឹងនរ ភ្លឺស្វាងលើមនុស្សភាគច្រើន ក្រោយពេលយំ។
ការស្រាវជ្រាវបង្ហាញថា ក្រោយពេលយំ, កម្រិត testosterone - អ័រម៉ូនភេទប្រុស-ក្នុងសរីរាង្គស្ត្រី ត្រូវថយចុះយ៉ាងរហ័ស។
ស្ត្រីហូឡង់ចំនួន៩៧នាក់ មានអាយុពី១៨-៤៨ឆ្នាំ បានស្ម័គ្រចិត្តចូលរួមការស្រាវជ្រាវខាងលើ។ ក្នុងរង្វង់៣ខែ អ្នកទាំងនេះ បានយំសរុបដល់១.០០៤ដង។ ហើយលទ្ធផលត្រូវបានពួកគេសន្និដ្ឋានខ្លួនឯង ក្រោយពេលឆ្លងកាត់សភាពយំសោកនេះ គឺ៦១ ភាគរយ ក្នុងចំណោមនោះចាត់ទុកថា យំពុំជួយឱ្យគេកែប្រែបាននូវសភាពចិត្តគំនិតល្អជាងនោះទេ។ ថ្វីត្បិតទឹកភ្នែកមិនធ្វើឱ្យគេបន្ថែមទុក្ខព្រួយ ឬមានអារម្មណ៍អាក្រក់ជាង តែការយំ ក៏ពុំជួយអ្វីសម្រាប់គេ។ ៩ភាគរយចាត់ទុកថា ពួកគេមានអារម្មណ៍នឿយណាយ និងព្រួយចិត្តជាង ក្រោយពេលយំ និង៣០ភាគរយនៅសល់ ចាត់ទុកថា ពួកគេមានអារម្មណ៍ស្រួលជាង ក្រោយពេលយំ។
តាមសាស្ត្រាចារ្យ Rottenberg អ្នកដឹកនាំក្រុមស្រាវជ្រាវ បានឱ្យដឹងថា យំ ពុំមានលក្ខណៈជូតសម្អាតនូវទុក្ខព្រួយឬភាពតានតឹងខាងផ្នែករាងកាយ ឬស្មារតីសម្រាប់មនុស្សឡើយ។ អ្នកដែលមានអារម្មណ៍ធូរជាង ក្រោយពេលយំ ការពិតក៏ពុំទទួលបានឥទ្ធិពលអ្វីល្អជាងឡើយ ដែលនោះគ្រាន់តែដោយសារអារម្មណ៍ទទួលបានជំនួយការលួងលោមពីអ្នកនៅជុំវិញខ្លួនពេលឃើញពួកគេយំ ៕

ប្រភព CEN

ពេទ្យខ្មែរ