វិធីបំបាត់ស្បែក កន្ទួលរមាស់

ស្បែកស្អាតគឺ ជាវត្ថុសំខាន់ ដែលនរណាៗក៏ ចង់បានដែរ ទោះបីជាអ្នក នោះស្ថិតក្នុងវ័យ កម្រិតណាក៏ ដោយ។ ព្រោះស្បែកស្អាត គឺជាចំណុចសំខាន់ មួយដែលទាក់ទាញ ការចាប់អារម្មណ៍ ពីអ្នកដទៃ។ ដូចនេះហើយទើប មនុស្សម្នាក់ៗខិតខំប្រឹងប្រែងថែរក្សា ស្បែកមិនឱ្យមានស្លាកស្នាម កន្ទួលរមាស់ ទោះជាត្រូវថែទាំស្បែក តាម វិធី ណាក៏ដោយ។ បើសិនលោកអ្នកមាន ស្បែកមិនស្អាត ដូចសេចក្ដីប៉ងប្រាថ្នា តើលោកអ្នកមាន អារម្មណ៍ យ៉ាងណា។

ខាងក្រោមនេះ គឺជាការបកស្រាយ របស់លោកវេជ្ជបណ្ឌិត ថៃ គា អ្នកឯកទេសជំងឺសើស្បែក និងកាមរោគ អំពីវិធីបំបាត់ស្បែកកន្ទួលរមាស់ ជូនប្រិយមិត្ដអ្នកអានឱ្យបានស្វែងយល់។

មូលហេតុបង្កឱ្យស្បែកមានកន្ទួលរមាស់

មានជំងឺជាច្រើនដែលធ្វើឱ្យស្បែកចេញកន្ទួលរមាស់បណ្ដាលឱ្យស្បែក មិនស្អាត ខ្លះជាប្រភេទជំងឺឆ្លង ខ្លះទៀត ជាជំងឺមិនឆ្លង និងខ្លះទៀតបណ្ដាលមកពីការប៉ះពាល់ទៅនឹងសារធាតុផ្សេងៗ។

ជំងឺស្រែង ៖ ជាជំងឺដែលកើតឡើងដោយមេរោគផ្សិតលើស្រទាប់ស្បែកខាងក្រៅ ហើយធ្វើឱ្យរមាស់ ស្បែក នៅត្រង់កន្លែងដែលកើតបណ្ដាលឱ្យអ្នកជំងឺ ចង់តែអេះ។ ពេលនោះហើយជាហេតុធ្វើឱ្យមានការរបកស្បែក ឬដាច់ស្បែកមានទឹករងៃ ។

កម ឬអាត់ ៖ ជាជំងឺសើស្បែកដែលឆ្លងរាលដាលពីមនុស្សម្នាក់ទៅមនុស្សម្នាក់ទៀត រំខានដល់អ្នក ជំងឺដោយ សារការរមាស់។ ពេលនោះអ្នកជំងឺទ្រាំនឹងការរមាស់មិនបានច្រើនតែអេះ ។ ក្រោយពីអេះហើយ ស្បែក មានរបក និងកន្ទួលរមាស់ អាចខ្ទុះ ។

ជំងឺត្រអក ៖ ជាជំងឺសើស្បែកដែលមាន២ប្រភេទ គឺត្រអកដែលបណ្ដាលមកពីកត្ដាខាងក្នុងខ្លួន ធ្វើឱ្យមានចេញ កន្ទួល រមាស់លើស្បែក ដែលភាគច្រើនកើតនៅលើកូនក្មេង។ ត្រអកដែលបណ្ដាល មកពីការប៉ះពាល់នឹង សារធាតុខាងក្រៅ ដូចជាសាប៊ូ ជាតិដែកក្រូម៉េ ក្បាលខ្សែក្រវាត់ គ្រឿងកាឡៃជាដើម ភាគច្រើនកើត នៅលើ មនុស្សចាស់ នឹងវ័យជំទង់ ។

កន្ទាលត្រអាក ៖ ការកើតកន្ទាលត្រអាក មិនបានធ្វើឱ្យស្បែកមានស្លាកស្នាមទេ ព្រោះវាជាជំងឺសើស្បែក។ ជំងឺ នេះធ្វើឱ្យរមាស់ខ្លាំងណាស់នៅលើស្បែក ដែលជាហេតុធ្វើឱ្យលោកអ្នកអេះរហូតបាត់រមាស់។ កាលណា កាន់តែអេះ កាន់តែមានផ្ទាំងកន្ទួលធំឡើងៗនៅលើស្បែក។ បើមិនអេះទេ វានឹងរលុបបាត់ទៅ វិញដោយ មិនបន្សល់ស្លាកស្នាមឡើយ ។

ប្រព័ន្ធការពារខ្លួនចុះខ្សោយ ៖ ដូចជាអ្នកកើតជំងឺអេដស៍ ទឹកនោមផ្អែម តម្រងនោម របេងជាដើម ងាយរង គ្រោះជំងឺផ្សិត បណ្ដាលឱ្យស្បែកចេញជាកន្ទួលរមាស់ច្រើនប្រភេទផ្សេងៗគ្នា នៅពេលប្រព័ន្ធភាព ស៊ាំចុះ ទាប។

វិធីបំបាត់ស្បែកកន្ទួលរមាស់

ការកើតកន្ទួលរមាស់នៅលើស្បែក សុទ្ធតែកើតឡើងដោយសារហេតុផលផ្សេងៗពីគ្នា ហើយជាជំងឺសើ ស្បែក ទាំងអស់។ ហេតុនេះការបំបាត់ស្បែកដែលមានកន្ទួលរមាស់ ត្រូវព្យាបាលទៅតាមមូលហេតុនីមួយៗ។ ការថែ ទាំដើម្បីកុំឱ្យមានស្លាកស្នាមនៅលើស្បែក លោកអ្នកត្រូវចេះអត់ធ្មត់កុំអេះតាមចំណង់ ព្រោះបើអេះដាច់ស្បែក ធ្វើឱ្យដំបៅក្លាយ និងបង្កជាសម្លាកអាក្រក់នៅពេលសះស្បើយ។ ម្យ៉ាងទៀតទោះបីជាលោក អ្នកកន្ទួលរមាស់ ដោយសារមូលហេតុណា មួយក៏ដោយ លោកអ្នកត្រូវទទួលទានឱសថជាថ្នាំលេប ដើម្បីបំបាត់ការ កន្ទួល រមាស់នៅលើស្បែក ព្រមទាំងថ្នាំលាបនៅលើស្បែកទៅតាមទីតាំងដែលកើតកន្ទួលរមាស់ និងតាមប្រភេទ ស្បែក។

ដំបូន្មានអ្នកឯកទេស

លោកអ្នកមួយចំនួននៅពេលដែលស្បែកមានការរមាស់ តែងតែអេះដោយមិនខ្លាចស្បែករបក ឬក្លាយឡើយ។ ជួនកាលតែងតែទៅទិញថ្នាំមកប្រើប្រាស់ដោយខ្លួនឯង ដើម្បីបំបាត់ស្បែកកន្ទួលរមាស់ នេះជាប្រការ មួយ ដែល ខុសឆ្គង។ ប្រការដែលល្អ លោកអ្នកគួរតែទៅជួបគ្រូពេទ្យជំនាញ ដើម្បីពិនិត្យ និងព្យាបាលទៅតាម ប្រភេទស្បែក និងរកមូលហេតុដែលនាំឱ្យកើតឡើង៕

(ចង់ដឹងព័ត៌មានសុខភាព និងសម្រស់ សូមចូលទៅកាន់ www.healthcambodia.com )

ពេទ្យខ្មែរ