គួរធ្វើយ៉ាងណាដើម្បីឱ្យមានក្បាលពោះរាបស្មើ គួរជាទីទាក់ទាញ?

មិនថាបុរសរឺស្ត្រីនោះទេ តែងចង់បានក្បាលពោះដែលរាបស្មើស្រស់ស្អាត គ្មានខ្លាញ់និងមានសាច់ដុំគួរជាទីទាក់ទាញ ។ លោកអ្នកប្រាកដជាចង់ដឹងនូវវិធីខ្លះៗ ដើម្បីទទួលបានលទ្ធផលដូចក្តីប្រាថ្នា ។ ខាងក្រោមនេះ ជាវិធីមួយចំនួនដែលអាចជួយឱ្យលោកអ្នក មានក្បាលពោះរាបស្មើបានយ៉ាងឆាប់រហ័ស ៖

១ ផ្លាស់ប្តូររបបអាហាររបស់អ្នក

ចូរទទួលទានបន្លែ និងផ្លែឈើឱ្យបានច្រើន និងជៀសវាងការទទួលទានអាហារណាដែលមានជាតិធាត់ច្រើន ។ លើសពីនេះទៅទៀតកាត់បន្ថយការទទួលទានអាហារណាដែលសម្បូរជាតិខ្លាញ់ ដូចជាខ្លាញ់ជ្រូក ម្ហូបឆា ម្ហូបចៀន .... ។ លោកអ្នកគួរតែកាត់បន្ថយការចម្អិនម្ហូបទាំងនេះ អោយបានតិចក្នុងមួយសប្តាហ៍ ហើយបែរមកទទួលទាន គ្រាប់ធុញ្ញជាតិ នំប៉័ងធ្វើពីស្រូវសាលី និងបាយអង្ករសម្រូប ។

២ ការធ្វើលំហាត់ប្រាណ

ចូរធ្វើលំហាត់ប្រាណឱ្យបានទៀងទាត់ យ៉ាងហោចណាស់ ៣ រឺ ៤ដងក្នុងមួយសប្តាហ៍ដែរ ដោយអ្នកអាចទៅហែលទឹក រឺទៅក្លឹបហាត់ប្រាណ ពីព្រោះសកម្មភាពទាំងនេះ អាចជួយឱ្យលោកអ្នកមានក្បាលពោះរាបស្មើ បានយ៉ាងលឿនបំផុត ។

៣ ទទួលទានអាហារដែលមានកាឡូរីទាប

ជាធម្មតា ប្រសិនបើលោកអ្នកប្រើប្រាស់កាឡូរី ២០០០កាឡូរីក្នុងមួយថ្ងៃ អ្នកគួរតែកាត់បន្ថយវាមកត្រឹមតែ ១៥០០កាឡូរីក្នុងមួយថ្ងៃ ទើបជាការល្អ និងអាចធ្វើឱ្យក្បាលពោះ របស់លោកអ្នករាបស្មើគួរជាទីទាក់ទាញ ។

៣ចំនុចខាងលើនេះ បងពេទ្យសង្ឃឹមថាអាចជួយមិត្តអ្នកអានក្នុងការសម្រេចបំណងប្រាថ្នាចង់បានក្បាលពោះរាបស្មើ ដែលជាទីចាប់អារម្មណ៍ពីមនុស្សគ្រប់រួប ។

@បងពេទ្យ@

ពេទ្យខ្មែរ