ថ្ងៃកើតកំណត់ជោគវាសនាមនុស្សម្នាក់ៗ

ពួកអ្នកវិទ្យាសាស្ត្របានរកឃើញរឿងយ៉ាងច្រើនពាក់ព័ន្ធដល់ខែកំណើតដូចជាការលើសទម្ងន់, ចរិតសុទិដ្ឋិនិយម ឬទុទ្ទិដ្ឋិនិយម និងថែមទាំងមានកូនប៉ុន្មាននាក់... ។

ផ្អែកលើស្ថិតិអំពីខែឆ្នាំកើត និងរូបរាងខាងក្រៅ បុគ្គលិកលក្ខណៈ ជំងឺតម្កាត់ ជោគវាសនា... គេបានរកឃើញទំនាក់ទំនងកំណត់រវាងថ្ងៃខែកើតជាមួយនឹងជោគវាសនាមនុស្សម្នាក់ៗ ។
ក្នុងបណ្តាខែមានគភ៌ដំបូងរបស់មាតាម្នាក់ បណ្តាកត្តាបរិស្ថាន (ធាតុអាកាស ចំណីអាហារ ឆ្លងមេរោគតាមរដូវ) មានឥទ្ធិពលសំខាន់ទៅដល់ទារកផ្សេងៗគ្នា ។
ធម្មតា ពុំមាននរណាអាចនិយាយថា ខែណាជាខែល្អបំផុត ដោយគ្រាន់តែអាចចាត់ទុកថា ខែនីមួយៗសុទ្ធតែមានគុណសម្បត្តិ និងគុណវិបត្តិរបស់វា ផលប្រយោជន៍ខាងផ្នែកនេះ បែរជាគ្រោះថ្នាក់ខាងផ្នែកផ្សេង ។

-កុមារកើតនៅនិទាឃរដូវ (ខែ ៣,៤,៥)

រំញោចខ្លាំងជាមួយធាតុអាកាស ងាយត្រូវគ្រុនរងា អាលែកហ្ស៊ី ឬឈឺថ្កាត់ជាងកុមារកើតក្នុងរដូវផ្សេងៗ ។ ដូច្នេះឪពុកម្តាយត្រូវយកចិត្តទុកដាក់ដល់ពួកវាច្រើនជាង ។ ចូរយកចិត្តទុកដាក់ដល់ការព្យាករណ៍អាកាសធាតុរាល់ថ្ងៃ ដើម្បីជួយវាទប់ទល់ទាន់ពេល ។ ពួកអ្នកចិត្តសាស្ត្រចាត់ទុកថា អ្នកកើតក្នុងរដូវនិទាឃរដូវច្រើនរស់នៅតាមមនោសញ្ចេតនា មិនប្តូរផ្តាច់ ដោយត្រូវបញ្ចុះបញ្ចូល និងចំណុះលើអ្នកដទៃ ។ គ្មានមហិច្ឆិតាធ្វើអ្នកដឹកនាំ ។ កុមារកើតក្នុងរដូវនិទាឃរដូវ ច្រើនងាយប្រដៅ ចេះស្តាប់បង្គាប់ មានចរិតល្អិតល្អន់ និងចេះផ្ទៀងស្តាប់ ។ ពួកវាការពិតទៅមានយោបល់ប្រាកដប្រជាអំពីច្រើនបញ្ហា តែមិនចង់និយាយចេញ និងអនុវត្តគំនិតរបស់ខ្លួន ក្រែងជជែកវែកញែក ងាយរស់នៅក្នុងសមូហភាព ។ ភារកិច្ចរបស់ឪពុកម្តាយដែលមានកូនកើតក្នុងនិទាឃរដូវ គឺត្រូវយកចិត្តទុកដាក់ហាត់ពត់ឲ្យវាមានចរិតជឿជាក់លើខ្លួនឯង ម្ចាស់ការ មានឆន្ទះ និងមហិច្ឆិតា អត់ធ្មត់ ហ៊ានធ្វើហ៊ានទទួល ។

-កុមារកើតក្នុងរដូវគិមហន្តរដូវ (ខែ ៦,៧,៨)

សុទិដ្ឋិនិយម សំណាង និងរួសរាយ រឿងនេះត្រូវបានពួកអ្នកវិទ្យាសាស្ត្រនៅសកលវិទ្យាល័យ Hertfordstire បញ្ជាក់ ។ អ្នកកើតក្នុងរដូវគិមហន្តរដូវ ច្រើនស្វ័យវាយតម្លៃខ្ពស់អំពីខ្លួនឯង ពេញចិត្តចំពោះខ្លួនឯង ហេតុនេះចរិតសុទិដ្ឋិនិយម ស្រឡាញ់ជីវិតជានិច្ចកាលមានអារម្មណ៍ថា ខ្លួនសុភមង្គល ។ ពួកអ្នកចិត្តសាស្ត្រចាត់ទុកថា ពួកគេស្វិតក្នុងប្រភេទមនុស្សរំញោច ចិត្តល្អ ទូលាយ ស្រើបស្រាល អាចឆេវឆាវ តែមិនឈ្នានីស ឬគុំកួន ។ ពួកគេត្រូវត្រៀមខ្លួនទទួលយកឧបសគ្គ ផ្សងគ្រោះថា្នក់ ចូលចិត្តការធ្វើដំណើរទៅឆ្ងាយ ។ ឪពុកម្តាយរបស់កុមារកើតក្នុងរដូវគិមហន្តរដូវ គួរបង្កលក្ខណៈឲ្យវាចូលរួមនៅក្នុងកិច្ចការសង្គម បណ្តាចលនាស្ម័គ្រចិត្ត លើកទឹកចិត្តវា ការពារមិត្តភក្តិរួមថ្នាក់ដែលទន់ខ្សោយជាងខ្លួន ។

-កុមារកើតក្នុងរដូវសរទរដូវ (ខែ ៩,១០,១១)

និយាយរួមនឹងរស់នៅយូរជាងមិត្តភក្តិវ័យស្របាលគ្នា ។ ក្រោយពេលវិភាគតួលេខស្ថិតិអំពីជីវិតរបស់មនុស្សជាង១លាននាក់ ពីអូស្ត្រាលីដល់ណ័រវេស ពួកអ្នកវិទ្យាសាស្ត្រសង្កេតឃើញថាពួកគេសុទ្ធតែមានអាយុវែង ។ ពួកគេរស់នៅអធ្យាស្រ័យ ជានិច្ចកាល នឹងនរ ប្រយ័ត្នប្រយែងនឹងល្អិតល្អន់ក្នុងការងារ ដោះស្រាយបញ្ហាតែងមានហេតុផល មានមនោសញ្ចេតនា ហើយជានិច្ចកាលមានកិត្តិនាមក្នុងសង្គម។ កុមារកើតនៅរដូវ សរទរដូវ ឧស្សាហ៍ព្យាយាមក្នុងការរៀនសូត្រពុំសូវបង្កជម្លោះឈ្លោះប្រកែកជាមួយមិត្តភក្តិ ឆាប់យល់បានតម្លៃរបស់ប្រាក់កាស និងចេះស្តាប់បង្គាប់ ។ ឪពុកម្តាយមានកូនកើតក្នុងរដូវសរទរដូវ បានមាន "វត្ថុធាតុដើមដ៏មានតម្លៃ" ដើម្បីបង្កើតជាពលរដ្ឋគំរូ ។ ចូរប្រឹងប្រែងតម្រង់វាឲ្យដើរត្រូវទិស ។

-កុមារកើតក្នុងរដូវសិសិរដូវ

សឹងតែទាំងអស់នៃមនុស្សថ្នឹកដៃឆ្វេង ត្រូវបានកើតក្នុងបណ្តាខែត្រជាក់បំផុតគឺខែ១២ ,ខែ១ និងខែ២ (ហើយតាមធាតុអាកាស នោះជាបណ្តាខែមានសីតុណ្ហភាពទាបបំផុត ហេតុនេះជនជាតិអឺរ៉ុបកំណត់នោះជារដូវ សិសិររដូវ ។ កុមារកើតនៅរដូវសិសិររដូវ ធំឡើងច្រើនមាននិន្នាការកើតជំងឺសរសៃឈាមបេះដូង តាមពួកអ្នកស្រាវជ្រាវនៅសកលវិទ្យាល័យ Bristol និង Edingburgh (អង់គ្លេស) ។ ហានិភ័យកើតជំងឺសរសៃឈាមបេះដូងនៅកុមារ សិសិររដូវ" ខ្ពស់ជាងកុមារកើតក្នុងរដូវផ្សេងៗគឺ ២៤% ។ ទន្ទឹមនោះ នៅរដូវរងាខ្លាំង មាតាទាំងឡាយដោយសារត្រូវទប់ទល់នឹងភាពត្រជាក់ ហេតុនេះរបបទទួលទានមានខ្លាញ់ច្រើនក៏បណ្តាលឲ្យមាតាមានខ្លាញ់ក្នុងឈាមខ្ពស់ ។ ដូច្នេះប្រសិនត្រូវសម្រាលកូននៅរដូវ សិសិរដូវ មាតាត្រូវយកចិត្តទុកដាក់ជាពិសេសដល់រឿងទទួលទានតម ។ តាមពួកអ្នកចិត្តសាស្ត្រ អ្នកកើតនៅរដូវរងាខ្លាំង ច្រើជាមនុស្សជោគជ័យ ។ ពួកគេវៀងវៃ មានទេពកោសល្យ និងមានឆន្ទៈ ។ ពួកគេចេះវិធីធ្វើការ ជឿជាក់លើខ្លួនឯងក្នុងគ្រប់សកម្មភាព ម្ចាស់ការកម្ចាត់ចេញឧបសគ្គលើផ្លូវជីវិត ហើយដោយហេតុនេះងាយសម្រេចជោគជ័យ ។

ប៉ុន្តែកុមារកើតក្នុងរដូវសិសិររដូវច្រើនអំនួតអួតអាង និងក្បាលរឹង ។ តាំងពីពេលនៅតូចឧស្សាហ៍ប្រកែកជាមួយឪពុកម្តាយ មិនងាយទទួលស្គាល់កំហុស ពិបាកធ្វើការតាមក្រុម និងច្រើនបង្កើតគ្រួសារយឺត ៕

ប្រភព CEN

ពេទ្យខ្មែរ