ជំងឺថ្លើម ៧ប្រភេទ គួរឱ្យគ្រោះថ្នាក់បំផុត

ថ្លើម គឺជាសរីរាង្គធំបំផុត នៅក្នុងរាងកាយ របស់មនុស្ស ដែលមានតួនាទី សំខាន់បំផុត សម្រាប់ សុខភាព។ វាចូលរួមផ្ដល់ស្ទើរតែគ្រប់សារធាតុគីមី ជីវសាស្ដ្រទាំងអស់ ដែលធ្វើឱ្យមាន ការលូតលាស់ ធំធាត់ ការប្រឆាំងនឹងជំងឺ ការផ្ដល់សារធាតុចិញ្ចឹម ការផ្ដល់ថាមពល និងជួយដល់ ការបន្ដពូជ។ 

កោសិកាថ្លើម ដែលហៅថា hepatocytes ឆ្លងកាត់ប្រតិកម្មគីមី ជីវសាស្ដ្រយ៉ាងស្មុគស្មាញ រាប់ពាន់ ក្នុងរៀងរាល់វិនាទី ដើម្បីបំពេញមុខងារ ដ៏ច្រើនសន្ធឹកសន្ធាប់ ក្នុងការប្រដេញជាតិពុលផ្សេងៗ ។ ដោយសារថ្លើមចូលរួម នៅក្នុងប្រតិកម្មគីមី ជីវសាស្ដ្រ ស្ទើរតែទាំងអស់
វាពុំមានអ្វីគួរឱ្យឆ្ងល់ទេ ដែលថា មានជំងឺផ្សេងៗជាច្រើន ដែលនឹងប៉ះពាល់ ទៅដល់ថ្លើម។ 

តើជំងឺអ្វីខ្លះ ដែលជាទូទៅ ធ្វើឱ្យមានការប៉ះពាល់ ដល់ថ្លើម ? 

ជំងឺរលាកថ្លើម ដោយប្រព័ន្ធភាពស៊ាំ (Autoimmune Hepatitis) :​ការរលាកថ្លើម​បន្ដិចម្ដងៗ ទាក់ទិនទៅនឹង​ ភាពមិន ប្រក្រតី នៃប្រព័ន្ធភាពស៊ាំ របស់រាងកាយ ¬Immune System¦ ដែលបង្កើត អង្គបដិបក្ខ (Antibody) ធ្វើឱ្យកោសិកា ថ្លើមរលាក ។ រោគសញ្ញាទូទៅ រួមមាន អស់កំលាំងល្ហិតល្ហៃ មិនស្រួល ក្នុងពោះ ឈឺសន្លាក់ រមាស់ ខាន់លឿង ថ្លើមរីក (ធា្លក់អណ្ដើក) និងរោគសញ្ញាសើរស្បែក។

ជំងឺរលាកថ្លើមរ៉ាំរ៉ៃ (Chronic Hepatitis) : ការបំផ្លាញកោសិកាថ្លើមបន្ដិចម្ដងៗ ដោយ​ការ​រលាក​ ដែល​មា​ន រយៈ​ពេល លើស​ពី​ប្រាំ​មួយ​ខែ។ អាការៈ និង​រោគសញ្ញា​អាច​មាន ដូចជាៈ អស់​កំលាំង​​ល្ហិត​ល្ហៃ ឆ្អល់​ពោះ​ផ្នែក​ខាង​លើ អត់​ឃ្លាន​អាហារ និង​ខាន់​លឿង។ 

ជំងឺមហារីកថ្លើម (Liver Cancer) ៖ ដុំសាច់ដុះក្នុងថ្លើម​ ​ប្រភេទកាចបំផុត ​ដែល​កើត​មាន​ជា​ទូទៅ​នោះ គឺ​ជំងឺ​មហារីក កោសិកាថ្លើម (Hepatocellular Carcinoma- HCC)។ ការផ្ទុកយ៉ាងរ៉ាំរ៉ៃ នូវ​វីរុស​រលាក​ ថ្លើមប្រភេទ បេ ជាពិសេសអ្នកដែល មានជំងឺរលាកថ្លើមរ៉ាំរ៉ៃ ឬជំងឺក្រិនថ្លើម គឺ​ប្រឈម​កាន់​តែ​ខ្លាំង​ ក្នុងការវិវត្ដ ទៅរកមហារីក កោសិកាថ្លើម (HCC)។ ការ​ស្រាវជ្រាវ​ថ្មីៗ​ក៏​បាន​បង្ហាញ​ផង​ដែរ​ថា អ្នកជំងឺ ដែលមានឆ្លងវីរុស ជំងឺរលាកថ្លើមរ៉ាំរ៉ៃ ប្រភេទ សេ ក៏ស្ថិតក្នុងគ្រោះថ្នាក់ខ្ពស់ក្នុង ការ​វិវត្ដ​ទៅ​កើត​មាន ជំងឺ​មហារីក​កោសិកា​ថ្លើម​ដែរ (HCC)។ 

ជំងឺក្រិនថ្លើម (Liver Cirrhosis) ៖ ក្រុមជំងឺថ្លើមរ៉ាំរ៉ៃមួយ ដែលក្នុងនោះ កោសិកា​ថ្លើម​ធម្មតា​ ត្រូវ​បាន​ខូច និងជំនួសដោយ កោសិកាក្រិន ដែល​ធ្វើ​ឱ្យ​ចំនួន​ជាលិកា​ថ្លើម​ធម្មតា​ថយ​ចុះ។​ស្ថានភាពនេះ នឹង​នាំ​ទៅ​រក​បញ្ហា​ជំងឺ​រ៉ាំរ៉ៃ​ និង​ជំងឺ​មហារីក​ថ្លើម ដែល​ធ្វើ​ឱ្យ​អ្នក​ជំងឺ​មាន​អាយុ​កាន់​តែ​ខ្លី ។ 

ជំងឺខ្លាញ់រុំថ្លើម (Fatty Liver) ៖ ការកកផ្ដុំនូវកោសិកា ខ្លាញ់នៅក្នុងថ្លើម ដែលជាទូទៅកើត មានចំពោះ អ្នកជំងឺដែល ធាត់លើសទំងន់ ឬមានជំងឺទឹកនោមផ្អែម។ ការស្រាវជ្រាវថ្មីៗបង្ហាញថា អ្នកជំងឺទាំងនេះ មួយចំនួន អាចវិវត្ដទៅកើត មានជំងឺក្រិនថ្លើមប្រសិនបើមិនព្យាបាលវា។ 

ជំងឺរលាកថ្លើមប្រភេទ អា ៖ ការរលាកថ្លើមស្រួចស្រាវនេះ ជាទូទៅបណ្ដាលមកពី ការ​ទទួល​ទាន​ អាហារ ឬទឹកដែលមាន ភាព​កខ្វក់​ទៅ​ដោយ​កាក​សំណល់​បញ្ចេញ​ចោល​របស់​មនុស្ស​ ។ រោគ​សញ្ញា​ ស្រដៀង​គ្នា ទៅ​នឹង​ជំងឺ​ផ្ដាសាយ និង​មាន​ភាព ល្ហិត​ល្ហៃ​អាច​កើត​មាន​ឡើង​។ ប៉ុន្ដែ ទោះបីជាយ៉ាងណា ក៏ដោយ ជំងឺនេះ កំរនឹងគំរាមកំហែង ដល់ជីវិតណាស់។ 

ជំងឺរលាកថ្លើមប្រភេទ បេ ៖ ជំងឺរលាកថ្លើមមួយប្រភេទ ក្នុងចំណោម ជំងឺរលាកថ្លើម ដែល​មាន​លក្ខណៈ​ធ្ងន់ធ្ងរបំផុត ជំងឺនេះគឺ កើតមានច្រើន ជាងជំងឺអេដស៍ (AIDS) និងងាយ ឆ្លងជាង ជំងឺ​អេដស៍​ (AIDS )។ ជំងឺរលាកថ្លើមរ៉ាំរ៉ៃ ប្រភេទ បេ អាចនាំឱ្យកោសិកាថ្លើម ខូចខាត បាត់​បង់​តួ​នាទី​ ដែលហៅថា ជំងឺក្រិនថ្លើម និងអាចបណ្ដាលឱ្យមានជំងឺមហារីកថ្លើម។ បុគ្គលម្នាក់ៗ អាច​ការពារ​ខ្លួន ពីជំងឺរលាកថ្លើមប្រភេទ បេ តាមរយៈការចាក់​វ៉ាក់​សាំង ការពារ​ជំងឺ​រលាក​ថ្លើម​ប្រភេទ​ បេ នេះ ប្រកបដោយ ប្រសិទ្ធភាព និងសុវត្ថិភាព។ សម្រាប់​អ្នក​ដែល​បាន​ឆ្លង​ជំងឺ​នេះ​ហើយ​នោះ ​នៅ​ពេល​នេះ គឺមានការព្យាបាលបែបថ្មី។ 

ជំងឺរលាកថ្លើមប្រភេទ សេ ៖ “កត្ដាគ្រោះថ្នាក់” ដែលបានស្គាល់ជាទូទៅបំផុត សម្រាប់​ការ​ឆ្លង​វីរុស​ ជំងឺ​រលាក​ថ្លើម​ប្រភេទ សេ រួម​មាន ការ​ប្រើប្រាស់​ថ្នាំ​ចាក់​តាម​សរសៃ ប្រវត្ដិ​នៃ​ការ​បញ្ចូល​ឈាម ការលាងឈាម និងការងារថែទាំសុខភាព។ ការឆ្លងក៏អាចកើតមាន តាមរយៈការរួមភេទផងដែរ។ ការព្យាបាលថ្មី ដោយប្រើប្រាស់ឱសថ interferon បានបង្ហាញនូវ ប្រសិទ្ធភាពក្នុងការព្យាបាល ជំងឺរលាកថ្លើមរ៉ាំរ៉ៃប្រភេទ សេ។ 

សូមចងចាំថា ៖ ថ្លើមរបស់លោកអ្នក គឺជាសរីរាង្គដែលពុំចេះរអ៊ូរទាំត្អូញត្អែឡើយ។ ការទទួលទាន ឱសថ សុរា និង អាហារ មិនល្អលើសចំណុះអាចបំផ្លាញវាបាន។ 

ទោះបីជាមនុស្ស ជាច្រើន កំពុងមានជំងឺថ្លើម ឬថ្លើមមានភាពមិនប្រក្រតីក៏ដោយ ក៏ជាញឹកញាប់ ពុំមានរោគសញ្ញា អ្វីនោះទេ អាការៈជាសញ្ញាឱ្យដឹងខ្លះៗនោះអាចមាន ៖ 

* ស្បែក និងភ្នែកប្រែពណ៌ទៅជាលឿង 

* ហើមពោះ ឬឈឺពោះខ្លាំង 

* រមាស់ស្បែកជាប់មិនឈប់ 

* ទឹកនោមមានពណ៌តែចាស់ ឬលាមកមានពណ៌ស្លេក ៖ ឬបន្ទោបង់លាមក មានឈាម ឬសស្លេក 

* ល្ហិតល្ហៃជាប្រចាំ វិលមុខ ឬអត់ឃ្លានអាហារ 

ប្រភព ៖ www.can-news.blogspot.com