យល់ដឹងពីបញ្ហាយល់សប្តិអាក្រក់

មនុស្សគ្រប់គ្នាមានការយល់សប្តិ មានទាំងយល់សប្តិល្អ និងយល់សប្តិអាក្រក់ ។ មានបញ្ហាជាច្រើនដែលបណ្តាលអោយលោកអ្នកយល់សប្តិអាក្រក់ ។ បញ្ហាទាំងនោះ មានដូចខាងក្រោម ៖

មនុស្សប្រើថ្នាំ ស្រា ថ្នាំញៀន
មនុស្សដែលទទួលទានដំណេកមិនគ្រប់គ្រាន់
អ្នកដែលមានអាការៈគ្រុនក្តៅ រឺថប់អារម្ភ
អ្នកដែលមានបញ្ហាអារម្មណ៍នៅផ្ទះ រឺសាលា
មនុស្សដែលជួបការប្រែប្រួលនៃជីវិត រឺការប៉ះទង្គិចផ្លូវចិត្ត និងស្ត្រេសដែលមកពីសម្ពាធនៃការងារប្រចាំថ្ងៃ ។

ហេតុដូចនេះ អ្នកដែលតែងតែជួបនូវវិបត្តិបញ្ហាយល់សប្តិអាក្រក់ ចូរព្យាយាមលុបបំបាត់ចោលអោយបាន ដើម្បីធ្វើអោយអារម្មណ៍របស់យើងបានជ្រះថ្លា ។ វិធីសាស្ត្រមួយចំនួនខាងក្រោមនេះ គេហទំព័របងពេទ្យសង្ឃឹមថាអាចជួយដល់ប្រិយមិត្តអ្នកអានបាន ៖

ធ្វើអោយមានការទម្លាប់គេងយប់អោយបានគ្រប់គ្រាន់ ដូចនេះលោកអ្នកនឹងមិនមានអារម្មណ៍ថាចង់គេងថ្ងៃត្រង់រឺពេលល្ងាចនោះទេ ។
កាត់បន្ថយការផឹកកាហ្វេអ៊ីន ស្រា និងបន្ថយការជក់បារី វាក៏អាចជួយអោយលុបបំបាត់ចោលនូវការយល់សប្តិអាក្រក់ផងដែរ ។
គួរបញ្ឈប់ការញ៉ាំអាហារនៅជិតម៉ោងចូលគេង ។ ការញ៉ាំអាហារនៅម៉ោងជិតចូលសម្រាកក៏អាចបណ្តាលអោយមានការយល់សប្តិអាក្រក់ ។
ការធ្វើលំហាត់ប្រាណពេលថ្ងៃ គឺជាមធ្យោបាយល្អ ដើម្បីកុំអោយមានការយល់សប្តិអាក្រក់ ប៉ុន្តែសូមកុំធ្វើលំហាត់ប្រាណមុនពេលអ្នកចូលគេងអោយសោះ ។
សម្រាកសិនមុននឹងចូលគេង ជារឿងសំខាន់ដើម្បីអោយលោកអ្នកគេងលក់ស្រួល ។
សូមជៀសវាងការមើលរឿងគួរអោយខ្លាច ហើយប្តូរទៅជាការមើលកម្មវិធីសប្បាយៗ នៅក្នុងទូរទស្សន៍

នេះជាវិធីដែលអាចជួយលោកអ្នកកាត់បន្ថយនិងឈានទៅដល់ការលុបបំបាត់យល់សប្តិអាក្រក់ បាន តែក្នុងករណីកម្រ ដូចជាបញ្ហាជម្ងឺក្នុងខ្លួន បញ្ហាមាត់ធ្មេញ អាចបណ្តាលអោយរារាំងដល់ការគេង ហើយចំពោះរឿងនេះ ត្រូវទៅជួបនិងអោយគ្រូពេទ្យ រឺទន្តពេទ្យពិនិត្យព្រោះជាបញ្ហាសំខាន់ ។ ប្រសិនជាមានរឿងដែលធ្វើអោយអ្នកធុញ ថប់អារម្មណ៍ ខ្លាច រឺនៅតែបន្តនូវយល់សប្តិអាក្រក់ទៀត សូមទៅជួបជាមួយគ្រូពេទ្យឯកទេសខាងផ្លូវចិត្ត ។

@ឃិន សំណាង@

ពេទ្យខ្មែរ